Salah ជាពី Covid-19 តែ Liverpool ត្រូវបាត់បង់កីឡាឆ្នើម២រូបនេះទៅវិញដោយសារតែ.....

Salah បានធ្វើតេស្តវិជ្ជមាន Covid-19 នៅពេលបំពេញភារកិច្ចអន្តរជាតិជាមួយអេហ្ស៊ីបតែពេលនេះគាត់អាចនឹងវិលត្រឡប់មកវិញសម្រាប់  ការប្រកួតជាមួយ Atalanta នៅរាត្រីថ្ងៃពុធនេះ។លោក Jurgen Klopp បានបញ្ជាក់ថា Mohamed Salah បានធ្វើតេស្តិ៍អវិជ្ជមានចំពោះមេរោគឆ្លងហើយនឹងចាប់ផ្តើមហ្វឹកហាត់ជាមួយ Liverpool នៅថ្ងៃច័ន្ទ។
កីឡាករអេហ្ស៊ីបបានខកខានជ័យជម្នះ ៣-០ របស់ហង្សក្រហមលើក្រុម Leicester កាលពីល្ងាចថ្ងៃអាទិត្យបន្ទាប់ពីបានធ្វើតេស្តវិជ្ជមានសម្រាប់ Covid-19 អំឡុងពេលសម្រាកអន្តរជាតិ។

ប៉ុន្តែលោក Klopp បានបង្ហើបបន្ទាប់ពីការប្រកួតថា ឥឡូវនេះ Salah អាចវិលត្រឡប់ចូលទីលានវិញសម្រាប់ការប្រកួតក្របខ័ណ្ឌ Champions League ទល់នឹង Atalanta នៅយប់ថ្ងៃពុធ។ កីឡាករវ័យ ២៨ ឆ្នាំរូបនេះគឺជាសមាជិក មួយនៃក្រុមហង្សក្រហម Liverpool ដែលឆ្លងកាត់ការធ្វើតេស្តរបស់ Uefa កាលពីថ្ងៃចន្ទ។

Klopp បាននិយាយថា "នោះគឺជាអ្វីដែលខ្ញុំបានលឺ ការតេស្តអវិជ្ជមានថ្ងៃនេះ ខ្ញុំគិតថាចាប់ពីពេលនេះទៅគាត់គឺធម្មតាឡើងវិញហើយអាចធម្មតានៅក្នុងការធ្វើតេស្តទាំងអស់។នៅថ្ងៃចន្ទយើងមានការធ្វើតេស្តរបស់ UEFA សម្រាប់ការប្រកួត Champions League ហើយខ្ញុំប្រាកដថាគាត់នឹងអាចត្រឡប់មកជួយយើងបាន  ។ ឥឡូវគាត់អាចហ្វឹកហាត់ជាមួយយើងនៅថ្ងៃស្អែក។

តើអាចមានការធ្វើតេស្ត Premier League នៅថ្ងៃបន្ទាប់ឬ? ត្រូវហើយមានការតេស្តពីរក្នុងរយៈពេលពីរថ្ងៃបន្ទាប់ដូច្នេះគាត់នឹងត្រូវបានតេស្តដូចយើងទាំងអស់គ្នាដែរ” ។
ព័ត៌មាននេះនឹងក្លាយជាដំណឹងល្អដ៏សំខាន់មួយសម្រាប់ក្រុមហង្សក្រហមខណ:ពេលដែល Naby Keita ត្រូវបានដាក់បញ្ជូលក្នុងបញ្ជីកីឡាកររងរបួសកាលពីថ្ងៃ អាទិត្យ។ Keita លេងបានត្រឹមតែ ៥៣ នាទីទល់ នឹង Leicester ក្រោយពីរូបគេមានបញ្ហាត្រង់សរសៃពួរ ។

ក្រុមហង្សក្រហម Liverpool ក៏អាចនឹងអវត្តមានកីឡាករ Xherdan Shaqiri សម្រាប់ការប្រកួតនាពេលខាងមុខរបស់ពួកគេផងដែរដោយតារាស្វីសរូបនេះបានជួបបញ្ហាអំឡុងពេលបំពេញកាតព្វកិច្ចអន្តរជាតិ។

“ Shaqari មានរបួសសាច់ដុំជាមួយក្រុមជម្រើសជាតិដែលគាត់មិនបានដឹង។ គាត់បានហ្វឹកហាត់ជាមួយយើងហើយបន្ទាប់ពីនោះគាត់មានអារម្មណ៍ថាមិនស្រួល ។ យើងបានធ្វើការស្កេនទៅលើសាច់ដុំហើយគ្រូពេទ្យបានរកឃើញថាគាត់មានរបួសចាប់តាំងពី ៥ ទៅ ៦ ថ្ងៃមកហើយ។

ក្រុមហង្សក្រហម Liverpool ឈរនៅលេខរៀងទី ២ តាមពីក្រោយក្រុមកំពូលតារាង Premier League គឺ Tottenham បន្ទាប់ពីបានលត់ Leicester នៅក្នុងដី ដែលជាកំណត់ត្រាថ្មីរបស់ក្លិបដែលលេងចំនួន ៦៤ ប្រកួតនៅក្នុងក្របខ័ណ្ឌ PL នៅក្នុងទឹកដីដោយមិនដែលស្គាល់ពាក្យថាចាញ់។

ប្រភពពី៖ Goal
ប្រែសម្រួលដោយ៖ 365 Cambo News