Pep ថាមិនដើរចេញពី Man City ទេទោះបីមិនបានលេងពានអ៊ឺរ៉ុបក៏ដោយ

កាលពីពេលថ្មីៗនេះ សហព័ន្ធបាល់ទាត់អ៊ឺរ៉ុប UEFA បានចេញសេចក្តីសម្រេចមួយដោយសម្រេចមិនអោយ Man City ចូលរួមក្នុងការប្រកួតប្រជែងក្របខ័ណ្ឌអ៊ឺរ៉ុបដូចជា Champion League និង Europa League ចាប់ពីរដូវកាលក្រោយរហូតដល់ឆ្នាំ ២០២២ ក្រោយពីរកឃើញថាល្មើសនឹងច្បាប់ “តុល្យភាពហិរញ្ញវត្ថុ” របស់សហព័ន្ធ។ តែទោះជាយ៉ាងនេះក្ដី Pep Guardiola បានប្រាប់មិត្តភក្តិរបស់គាត់ថាគាត់មានបំណងចង់បន្តនៅមួយ Manchester City ទោះបីក្លឹបត្រូវបានពិន័យមិនអោយលេងពានពានអ៊ឺរ៉ុបទាំងនោះរយៈពេល ២ ឆ្នាំក៏ដោយ។

Pep មានកុងត្រាជាមួយ Man City រហូតដល់ឆ្នាំ ២០២១ ហើយគេរំពឹងថាគាត់នឹងចាប់ផ្តើមចរចារកុងត្រាថ្មីជាមួយក្លឹបជាលើកដំបូងនៅថ្ងៃពុធសប្ដាហ៍នេះ។

កិច្ចសន្យារបស់ Pep មានល័ក្ខខ័ណ្ឌមួយដែលអនុញ្ញាតិអោយលោកអាចចុះចេញពីតួនាទីនាចុងបញ្ចប់នៃរដូវកាលនេះ ហើយត្រូវបានគេរំពឹងថាគាត់នឹងប្រើប្រាស់ល័ក្ខខ័ណ្ឌនេះដើម្បីចុះចេញប្រសិនបើ Man City មិនអាចឈ្នះបណ្តឹងឧទ្ធរណ៍របស់ពួកគេដែលនឹងត្រូវបញ្ជូនទៅតុលាការអាជ្ញាកណ្តាលកីឡានៅប៉ុន្មានថ្ងៃខាងមុខនេះទេ។

ទោះបីជាយ៉ាងណាក៏ដោយបុរសវ័យ ៤៩ ឆ្នាំរូបនេះបាននិយាយថាគាត់នឹងមិនធ្វើបែបនោះឡើយ ហើយនៅតែប្តេជ្ញាចិត្តចំពោះក្លឹបដដែល។

ប្រភពពី៖ BBC News
ប្រែសម្រួលដោយ៖ 365 Cambo News