Liverpool ចង់នាំយកខ្សែបម្រើ Norwich City មក Anfield រដូវកាលក្រោយ

បើតាមសារព័ត៍មាន The Athletic បានអោយដឹងថា Liverpool កំពុងតែចាប់អារម្មណ៍ខ្សែបម្រើ Todd Cantwell របស់ Norwich City ដើម្បីយកមកជួយពង្រឹងក្រុមបន្ថែមទៀតនៅរដូវកាលក្រោយ។

Cantwell បានធ្វើអោយក្រុមធំៗជាច្រើននៅ Premier League ចាប់អារម្មណ៍មែនទែនជាមួយនឹងការលេងយ៉ាងល្អរបស់គេ ជាពិសេសនៅពេលដែល Norwich City លេងតទល់នឹង Liverpool កាលពីខែសីហា ក្នុងទឹកដី Anfield។ ក្រៅពី Liverpool ក្រុមផ្សេងៗទៀតដូចជា Manchester City, Manchester United, និង Tottenham ក៏កំពុងតែចាប់អារម្មណ៍ទៅលើយុវជនវ័យ ២១ ឆ្នាំនេះផងដែរ ប៉ុន្តែ Liverpool អាចក្រុមដែលមានភាគរយច្រើនជាងគេក្នុងការទាញយកចំណាប់អារម្មណ៏របស់ Cantwell។

ក្រុមរបស់លោក Jurgen Klopp មានឱកាសក្នុងការតាមដានការលេងរបស់ Cantwell កាន់តែច្បាស់ក្នុងជំនួបជាមួយ Norwich City កាលពីថ្ងៃសៅរ៍ ហើយត្រូវបានគេមើលឃើញថារូបគេកាន់តែធ្វើអោយ Jurgen Klop និងក្រុមការងាររបស់លោកពេញចិត្តមែនទែន។ ជាងនេះទៅទៀត Cantwell រកបាន ៦ គ្រាប់ និងបញ្ជូនបាល់អោយមិត្តរួមក្រុម (Assist) បាន ២ ដងក្នុង ២៧ ប្រកួត។

បើទោះបីជាត្រូវធ្លាក់ចេញពីលីគកំពូលរបស់អង់គ្លេសនៅរដូវកាលក្រោយក៏ដោយ Norwich City ទំនងជានឹងទាមទារតម្លៃខ្លួនសម្រាប់ Cantwell ប្រហែល ៣០ លានផោន។

ប្រភពពី៖ All Football
ប្រែសម្រួលដោយ៖ 365 Cambo News