Barcelona អាចនឹងលក់ Dembele ប្រសិនបើ Liverpool ហ៊ានអោយតម្លៃលើស ១០០លានអ៊ឺរ៉ូ

Liverpool កំពុងតែមានចំណាប់អារម្មណ៏ខ្លាំងមែនទែនក្នុងការចុះកុងត្រាយក Ousmane Dembele យកមកទឹកដី Anfield ប្រទេសអង់គ្លេស ហើយ Barcelona នឹងពិចារណាលើសំណើររបស់ក្លឹបហង្សក្រហមប្រសិនបើពួកគេហ៊ានអោយតម្លៃ ១០០លានអ៊ឺរ៉ូ (ប្រហែល ៨៥លានផោន) ។

លោក Jurgen Klopp ជឿជាក់ថាកីឡាករសញ្ជាតិបារាំងរូបនេះនឹងអាចជួយពង្រឹងក្រុមរបស់លោកនៅតំបន់ប្រយុទ្ធបន្ថែមទៀតជាមួយនឹងវត្តមានរបស់ Sadio Mane, Mohamed Salah និង Roberto Firmino ។

Ousmane Dembele ចូលរួមជាមួយក្លឹប Barcelona ពី Borussia Dortmund ក្នុងតម្លៃខ្លួនដំបូង ១០៥លានអ៊ឺរ៉ូ ជាមួយនឹងប្រាក់បន្ថែម ៤០លានអ៊ឺរ៉ូ ក្នុងខែសីហា ២០១៧។ ប៉ុន្តែចាប់តាំងពីផ្លាស់មកកាន់ក្របខ័ណ្ឌកំពូលរបស់អេស្ប៉ាញ រូបគេហាក់មិនសូវកាក់កបនោះទេ ដោយភាគច្រើនកីឡាករជម្រើសជាតិបារាំងរូបនេះទទួលការញ៉ាំញីដោយបញ្ហារបួស។ Dembele លេងបាន ៧៩ ប្រកួត រកបាន ១៩ គ្រាប់ និងបញ្ជូនបាល់អោយមិត្តរួមក្រុម ១៧ ដង។

Dembele បានចុះកុងត្រាជាមួយក្លឹបរហូតដល់ឆ្នាំ ២០២២ តែរូបគេទំនងនឹងមិនអាចនៅជាមួយ Barcelona រហូតដល់ចប់កុងត្រានេះទេ ហើយរូបគេអាចនឹងត្រូវចាកចេញប្រសិនបើក្លឺបឈានទៅដល់កិច្ចព្រមព្រៀងមួយជាមួយ Liverpool ។

ប្រភព៖ All Football

ប្រែសម្រួលដោយ៖ 365 Cambo News