មេធំ Psg កំពុងបញ្ចុះបញ្ជូល Messi ឱ្យចូលរួមជាមួយក្លឹបយក្សបារាំងមួយនេះជាមួយកិច្ចសន្យាដ៏សម្បើមមួយ..........

Paris Saint-Germain នាំមុខគេក្នុងការខ្នះខ្នែងក្នុងការផ្ទេរ Lionel Messi ប្រសិនបើគាត់សំរេចចិត្តចាកចេញពី Barcelona ក្រោយចប់កិច្ចសន្យារបស់គាត់។

តារាឆ្នើមសញ្ជាតិអាហ្សង់ទីនរូបនេះកំពុងពិចារណាលើកិច្ចព្រមព្រៀងជាមួយ Barca ថាតើគាត់បន្តស្នាក់នៅ Camp Nou បន្តទៀត ឬ ក៏ពិចារណាចាកចេញរកទ្រនំថ្មីនាដើមរដូវក្ដៅឆ្នាំក្រោយនេះ។ Neymar និង ប្រធានក្លឹប Psg លោក Nasser Al-Khelaifi កំពុងចាប់ផ្តើមលួងលោមខ្សែប្រយុទ្ធរូបនេះដើម្បីផ្លាស់ប្តូរទៅប៉ារីស។

នេះជាអ្វីដែល PSG អាចផ្តល់ជូន Messiបើសិនគាត់មក Psg មែន៖

1.កិច្ចសន្យាដ៏ធំមួយ(ប្រាក់នឿយហត់ប្រចាំឆ្នាំ)

PSG គឺជាក្លឹបមួយក្នុងចំណោមក្លឹបដែលមានជាងគេបំផុតនៅក្នុងពិភពបាល់ទាត់ដែលមានចុះកុងត្រាយក Super Stars ល្បីៗដូចជា Neymar, Keylor Navas, Kylian Mbappe និង Mauro Icardi ក្នុងចំណោមក្លឹបដែលមានលុយច្រើន។ ក្លឹបបារាំងនឹងអាចផ្គូរផ្គងប្រាក់ចំណូលបច្ចុប្បន្នរបស់ Messi នៅឯ Barca ឱ្យសមមាត្រឬលើសប្រាក់ចំណូលដែលគាត់ទទួលបានបច្ចុប្បន្ននៅក្លឹបអ្នកមានបុណ្យ។

2.ចក្ខុវិស័យវែងឆ្ងាយរបស់ក្លឹប

ក្របខ័ណ្ឌ Champions League នៅតែជាគោលដៅចម្បងរបស់ PSG ហើយបើនិយាយអំពីបំណងរបស់ Messi គឺមានភាពដូចគ្នាជាមួយក្លឹប។ កីឡាករវ័យ ៣៣ ឆ្នាំរូបនេះធ្លាប់បានបង្កើតប្រវត្តិសាស្ត្រនៅ UCL ជាមួយ Barca ប្រសិនបើគាត់ឈ្នះពានរង្វាន់នេះនៅឯក្លឹប PSG វាគឺជារឿងដ៏អស្ចារ្យមួយខណៈដែលគាត់ខានលើកពាននេះ រយៈពេល ៥ ឆ្នាំមកហើយជាមួយ Barca។

3.ចូលរួមជាមួយ Super Star ក្មេងៗ

ការបន្ថែម Messi ទៅក្នុងក្រុមអាចធ្វើឱ្យក្រុមយក្សមួយនេះមានកម្រិតលេងដ៏គួរឱ្យខ្លាចមួយសម្រាប់គូរប្រេជែងព្រោះថា Messi អាចចូលរួមជាមួយ Neymar, Mbappe, Icardi, Keylor, Angel Di Maria, Marco Verratti, Marquinhos, Rafinha Alcantara និង Leandro Paredes ពិតជាធ្វើឱ្យពិភពលោកក្រើកហើយពិបាកនឹងប្រជែងជាមួយក្រុមសេដ្ឋីរបស់បារាំងមួយនេះ។

4.ការយល់ចិត្តគ្នាជាមួយមិត្តភក្តិរួមក្រុមជាពិសេសតំបន់ប្រយុទ្ធ

Messi ស្គាល់សមាសភាពកីឡា PSG មួយចំនួនរួចទៅហើយ គាត់ធ្លាប់ដៃគូរលេងជិតស្និទ្ធជាមួយ Neymar កំឡុងពេលដែលពួកគេលេងជាមួយគ្នាកាលនៅឯ Barcelona ខណៈពេលដែលគាត់ក៏ធ្លាប់បានលេងជាមួយ Di Maria និង Paredes សម្រាប់ជម្រើសជាតិអាហ្សង់ទីនផងដែរ។ ហើយ Psg មានកីឡាករអាមេរិចខាងត្បូងច្រើនទៀតនៅ Keylor, Rafinha និង Marquinhos ដែលសុទ្ធតែអាចស្របទៅតាមទម្រង់លេងរបស់ Messi ។

5.ម្ចាស់ជើងឯក League 1

PSG ជាក្រុមដែលជា លេចធ្លោខ្លាំងជាងគេសម្រាប់លីគក្នុងស្រុករបស់ពួកគេដូចនេះក្រុមអាចផ្តោតលើភាពជោគជ័យនៃក្របខ័ណ្ឌ Champions League បន្ថែមពីជោគជ័យបច្ចុប្បន្ន ។