គន្លឹះ ៨ យ៉ាងប្រើទូទឹកកកឱ្យស៊ីភ្លើងតិច

ការរស់នៅក្នុងសម័យបច្ចុប្បន្ននេះដោយសារមានការរីកចម្រើនផ្នែកបច្ចេកវិទ្យា មនុស្សបានបង្កើតសម្ភារៈទំនើបៗជាច្រើនដើម្បីជួយសម្រួលការរស់នៅ ដែលធ្វើឱ្យ កាន់តែងាយស្រួលស្របតាមតម្រូវការចង់បាន។

ទូទឹកកកគឺសម្ភារៈដែលចាំបាច់មួយដែរយើងត្រូវប្រើប្រាស់ប្រចាំថ្ងៃសម្រាប់រក្សាម្ហូបអារហារ ឬ ភេសជ្ជៈឱ្យត្រជាក់ទុកបានយូរតាមតម្រូវការរបស់មនុស្សគ្រប់ៗគ្នាប៉ុន្តែវាក៏ជាអ្នកចូលរួមដ៏ធំបំផុតមួយ (ប្រហែល ១៥ ភាគរយ) នៃវិក័យប័ត្រអគ្គិសនីរបស់អ្នក ផងដែរ។ ខាងក្រោមនេះជាគន្លឹះមួយចំនួនដែអាចជួយយើងបានបានក្នុងការសន្សំសំចៃភ្លើងសម្រាប់ការប្រើប្រាស់ទូរទឹកកកនៅតាមផ្ទះរបស់លោកអ្នក៖

១) កុំដាក់ភេសជ្ជៈឬ របស់ផ្សេងៗ ក្នុងទូទឹកកកពេញពេកព្រោះវានឹងរារាំងលំហូរខ្យល់ត្រជាក់ដោយហេតុនេះបន្ថយប្រសិទ្ធភាពរបស់វា។ កន្លែងទំនេរគ្រប់គ្រាន់នឹងបង្កើនប្រសិទ្ធភាពត្រជាក់នៃទូទឹកកកហើយអាចឱ្យយើងកាត់បន្ថយចំណាយភ្លើងបានមួយចំនួនដែរ។

២) ត្រូវប្រាកដថារបស់របរដែលរក្សាទុកនៅក្នុងទូទឹកកកត្រូវបានធ្វើឱ្យត្រជាក់ដល់សីតុណ្ហភាពធម្មតា មុនពេលយកទៅដាក់ក្នុងទូរ ។ ការដាក់របស់ក្ដៅដូចជាទឹកក្ដៅក្នុងទូវាធ្វើឱ្យការដំណើរការរបស់ Motor កាន់តែខ្លាំងហើយភ្លើងក៏ចំណាយច្រើនតាមហ្នឹងដែរ

៣) កុំបើកទ្វារទូទឹកកកញាប់ពេកបើមិនចាំបាច់។នៅរាល់ពេលដែលអ្នកបើកកម្តៅនៅខាងក្រៅ ចូលទៅកាន់ទូរដែលបន្ថយប្រសិទ្ធភាពរបស់វា។ សម្រេចចិត្តនូវអ្វីដែលអ្នកចង់បានមុនពេលបើកទូរ ដូច្នេះពេលដែលបើកតិចធ្វើឱ្យសីតុណ្ហភាពខាងក្នុងរក្សាបានថេរ។

៤) កំណត់សីតុណ្ហាភាពឱ្យត្រជាក់មធ្យមដើម្បីទទួលបានភាពត្រជាក់ល្អបំផុត។ចំណែកឯវិក្កយបត្រអគ្គិសនីតិចជាងមុនដែរ។ ការកំណត់ត្រជាក់ខ្ពស់នឹងបង្កើនការប្រើប្រាស់អគ្គិសនីយ៉ាងខ្លាំង (រហូតដល់ 25%) ។

៥) គ្របវត្ថុរាវដែលមាននៅក្នុងទូទឹកកកជានិច្ចព្រោះសំណើមដែលបាត់បង់ពីអង្គធាតុរាវអាចប៉ះពាល់ដល់ដំណើរការកករបស់វត្ថុ ។

៦) កុំដាក់ទឹកកកចូលក្នុងទូទឹកកករបស់អ្នកព្រោះវាដើរតួជាអ៊ីសូឡង់ដែលមិនចង់បានវាអាចនឹងកាត់បន្ថយប្រសិទ្ធភាពរបស់ Compressor ។

៧) សម្អាតទូទឹកកកឱ្យបានទៀងទាត់និងត្រូវប្រាកដថាធូលីមិនកកកុញនៅលើកង់ដង់ (Condenser) (ខាងក្រោយឬខាងក្រោម) និង Motor ស្រូបយកខ្យល់ (នៅខាងក្រោមទ្វារ) ។ ការបង្កើតធូលីអាចធ្វើឱ្យម៉ូទ័រធ្វើការកាន់តែខ្លាំងដូច្នេះត្រូវការអគ្គិសនីច្រើន។

៨) ត្រូវប្រាកដថាទ្វារទូទឹកកកត្រូវ បិទយ៉ាងជិតនៅពេលមិនបើក។ កន្លែងទំនេរណាមួយនឹងបណ្តាលឱ្យកម្តៅចូលក្នុងទូទឹកកកបណ្តាលឱ្យម៉ូទ័រខិតខំធ្វើការជាងមុនជាហេតុធ្វើឱ្យ ការប្រើប្រាស់អគ្គិសនីកាន់តែច្រើន។ អ្នកអាចធ្វើឱ្យប្រាកដថាការផ្សាភ្ជាប់ទ្វារកៅស៊ូត្រូវបានរឹតបន្តឹងដោយរុញក្រដាសមួយឆ្លងកាត់វា ប្រសិនបើក្រដាសរអិលចេញវាងាយស្រួលក្នុងការចម្លងកម្ដៅពីខាងក្រៅចូល ដូចនេះវាចាំបាច់ត្រូវតែជួសជុល ។ អ្នកក៏អាចសាកល្បងទុកពិលនៅខាងក្នុងទូទឹកកកហើយត្រូវប្រាកដថាពន្លឺនៅក្នុងទូរមើលមិនឃើញពីខាងក្រៅ។

ប្រភពី៖ Wikepidia
ប្រែសម្រួលដោយ៖ 365 Cambo News