របៀបប្រើប្រាស់ម៉ាស៊ីនត្រជាក់ឱ្យបានត្រឹមត្រូវ

ជាការពិតណាស់ម៉ាស៊ីនត្រជាក់ត្រូវបានគេប្រើប្រាស់ជាប្រចាំជារៀងរាល់ថ្ងៃដើម្បីជួយផ្ដល់នូវសីតុណ្ហភាពដែលមានផាសុកភាពសម្រាប់អ្នកប្រើប្រាស់។ ដូច្នេះយើងត្រូវដឹងពីរបៀបប្រើប្រាស់របស់វាឱបានច្បាស់។ខាងក្រោមនេះគឺជាវិធីក្នុងការប្រើប្រាស់ម៉ាស៊ីនត្រជាក់ប្រកបដោយប្រសិទ្ធិភាព៖

១.រក្សាសីតុណ្ហភាពឱ្យថេរពេលដែរប្រើប្រាស់

បើយើង ចង់អោយម៉ាស៊ីនត្រជាក់របស់អ្នកដំណើរការដល់កំរិតទាបបំផុតជាពិសេសនៅថ្ងៃក្តៅតែវា មិនមែនជាវិធីដែលមានប្រសិទ្ធភាពបំផុតក្នុងការប្រើប្រាស់ទេ។ម៉ាស៊ីនត្រជាក់របស់អ្នកធ្វើការលើសម៉ោងដើម្បីបូមចេញខ្យល់ត្រជាក់បែបនេះសូមកំណត់ សីតុណ្ហភាពថេរចន្លោះពី ១៨-២១ អង្សាសេ។ នេះនឹងនៅតែធ្វើឱ្យផ្ទះរបស់អ្នកមានផាសុកភាពហើយម៉ាស៊ីនត្រជាក់របស់អ្នកនឹងមិនខិតខំធ្វើការខ្លាំងដែលអាចឱ្យអាយុកាលនៃការប្រើប្រាស់បានយូរអង្វែង។

២.ប្រើឧបករណ៍កំណត់ពេលវេលា ( Use Timer)

ការប្រើប្រាស់ម៉ាស៊ីនត្រជាក់របស់អ្នកនៅពេលដែលគ្មាននរណាម្នាក់នៅផ្ទះឬប្រើប្រាស់ក្នុងអំឡុងពេលអាកាសធាតុត្រជាក់គឺមិនចាំបាច់នោះទេ ព្រោះវាអាចបន្ថែមការចំណាយលើវិក័យប័ត្រអគ្គិសនីរបស់អ្នកយ៉ាងឆាប់រហ័ស។ ផ្ទុយទៅវិញប្រើការកំណត់ម៉ោងម៉ាស៊ីនត្រជាក់របស់អ្នកដើម្បីធ្វើឱ្យប្រាកដថាវាដំណើរការ បានតែនៅពេលមនុស្សនៅផ្ទះឬជិតមកដល់ផ្ទះ។ ឧទាហរណ៍ការកំណត់វាដើម្បីចាប់ផ្តើមមុនពេលអ្នកមកដល់ផ្ទះពីសាលារៀនឬកន្លែងធ្វើការគឺជាមធ្យោបាយដ៏ល្អឥតខ្ចោះក្នុងការរក្សាការចំណាយលើអគ្គិសនី។ 

៣. ប្រើវានៅពេលអ្នកត្រូវការ

មួយនេះដើរទន្ទឹមគ្នាជាមួយនឹងចំនុចពីរចុងក្រោយរបស់យើងប៉ុន្តែត្រូវចាំថាត្រូវប្រើម៉ាស៊ីនត្រជាក់របស់អ្នកនៅពេលអ្នកត្រូវការវា។ 

៤.ជៀសវាងការកំណត់ស្វ័យប្រវត្តិ

ប្រហែលជាអ្នកគិតថាការកំណត់ស្វ័យប្រវត្តិជាវិធីដែរល្អបំផុតរបស់អ្នកក្នុងការប្រើប្រាស់ប៉ុន្តែកុំចាញ់បោកគេ។ នៅពេលដែលម៉ាស៊ីន របស់អ្នកស្ថិតនៅក្នុងរបៀបស្វ័យប្រវត្តិវាធ្វើការដើម្បីរក្សាសីតុណ្ហភាពថេរមានន័យថានៅពេលដែលបន្ទប់របស់អ្នកត្រជាក់ពេកវានឹងតម្លើងសីតុណ្ហភាព ឡើងវិញដើម្បីរក្សាសីតុណ្ហភាពដើម - ហើយផ្ទុយទៅវិញនៅពេលដែលបន្ទប់ក្តៅខ្លាំង។ ដោយសារតែវាខិតខំធ្វើការដើម្បីរក្សាសីតុណ្ហភាពនេះជានិច្ចម៉ាស៊ីនត្រជាក់របស់អ្នកប្រើថាមពលច្រើនដែលធ្វើឱ្យវិក្កយបត្រថ្លៃថាមពលរបស់អ្នកកាន់តែកើនឡើង។ ផ្ទុយទៅវិញកំណត់សីតុណ្ហភាពនៅ ចន្លោះពី ១៨-២១ អង្សាសេ ជាវិធីដែរល្អបំផុត។

៥. បិទទ្វារ

កុំធ្វើឱ្យម៉ាស៊ីនត្រជាក់របស់អ្នកខិតខំធ្វើការលើសពីសមត្ថភាពនៅពេលប្រើប្រាស់ ត្រូវបិទទ្វារដូច្នេះវាមិនចំណាយថាមពលច្រើនទេ។ ឧទាហរណ៍ត្រូវប្រាកដថាទ្វារបន្ទប់ទឹកត្រូវបានបិទប្រសិនបើមាននរណាម្នាក់កំពុងងូតទឹកដូច្នេះខ្យល់ត្រជាក់ និង សំណើមមិនត្រូវចូលទៅក្នុងបន្ទប់ពោលវាគឺសាយភាយទៅកន្លែងដែរមិនចាំបាច់ ។បើអ្នកប្រើប្រាស់ដោយបិទទ្វារ អ្នកនឹងឃើញថាម៉ាស៊ីន របស់អ្នកមានប្រសិទ្ធភាពជាងមុនព្រោះថាមុននឹងអ្នកបំពាក់ម៉ាស៊ីន ជាងបានគណនាពីទំហំបន្ទប់ឱ្យសមមាត្រទៅនឹងកំលាំងម៉ាស៊ីនការកំណត់បែបនេះវាអាចឱ្យម៉ាស៊ីនត្រជាក់ធ្វើការបានល្អ និង កាត់បន្ថយការចំណាយទៅលើថាមពលផងដែរ។ 

៦.សម្អាតតម្រងខ្យល់របស់អ្នក   

តម្រងខ្យល់ជាឧបករណ៍មួយមានតួនាទីចម្រោះខ្យល់ដែលបំភាយចេញពីម៉ាស៊ីនត្រជាក់ផ្នែកខាងមុខប្រសិនបើវាត្រូវបានរុំព័ទ្ធដោយធូលី ឬសារធាតុកខ្វក់ផ្សេងទៀតនោះ មានន័យថាសមត្ថភាពក្នុងការបញ្ចេញខ្យល់របស់ម៉ាស៊ីនត្រជាក់ត្រូវបានកាត់បន្ថយដែរ (បញ្ចេញខ្យល់ខ្សោយខុសប្រក្រតី)។ ដូច្នេះដើម្បីបង្ការខ្លួនអ្នក និងកូនៗអ្នក ពីបញ្ហាផ្ដាសាយ,មហារីក,សុខភាពផ្លូវដង្ហើម បានអ្នកត្រូវឧស្សាហ៍ពិនិត្យមើល និងសម្អាតតម្រងខ្យល់ចេញ។

៧.ជ្រើសរើសប្រភេទម៉ាស៊ីនឱ្យត្រឹមត្រូវ

ការតំឡើងនិងការប្រើប្រាស់ម៉ាស៊ីនត្រជាក់គឺជាចំណាយប្រាក់ ច្រើនគួរសមដែរ។ដូច្នេះមុននឹងទិញម៉ាស៊ីនត្រជាក់មកប្រើប្រាស់គួរជ្រើសរើសម៉ាស៊ីនណាដែរជួយដល់ការសន្សំសំចៃ មានសមត្ថភាពខ្ពស់ និងមិនមានសម្លេងរំខាន

៨.បំពាក់ម៉ាស៊ីនឱ្យសមមាត្រទៅនឹងទំហំបន្ទប់

បំពាក់ ម៉ាស៊ីនត្រជាក់តូចពេកសម្រាប់បន្ទប់ដែលធំ នាំឱ្យ មិនមានប្រសិទ្ធភាពក្នុងការប្រើប្រាស់។ មុននឹងសម្រេចប្រើប្រាស់ម៉ាស៊ីនគួរពិភាក្សាជាមួយអ្នកជំនាញដើម្បីបំពាក់ម៉ាស៊ីនឱ្យត្រូវតាស្តង់ដារ។

ប្រភពពី៖ Time
ប្រែសម្រួលដោយ៖ 365 Cambo News